ودّي أنساها ولا ودّي أنساها

[الصقار]

ياوجود اللي عيونه شقاويّه

مرّها حلو المنام وتعداها

كن بين جفونها جمرةٍ حيّه

مايطفيها سهرها ولا ماها

بيّته ليل الشتا فابو حدريّه

واحتداه و حد نفسه على أقصاها

مشكلة بعض الصدور الجنوبيّه

لو تجيها دمعة الطير تملاها

العوامل والضروف الطبيعيّه

غيّرت مجرا زمنها ومجراها

ياوجود اللي عشق له (....!!)

في صلات الرحم ماهوب وياها

من تحبّه لو تحبّه على النيّه

برّكت بأقصى ضلوعه مطاياها

ذوقتني هجرها ثاني ضحيّه

و اصطلت روحي على حر فرقاها

طيّرت من غصن الاشواق قمريّه

ورهنتني في هواها ولاماها

حايلٍ من دونها حول وشويّه

مير مالله حايلٍ دون ذكراها

كل حاجه باقيه مثل ماهيّه

ماسرا معها على درب مسراها

كود عضوٍ (في جهتيّ الشماليّه)

فاع من عوج الحنايا وخاواها

ودمعةٍ نطّحتها راحة ايديّه

( افففف ) ياماحرّها و ( احححح ) مقساها

حوّلتها يوم قالت وداعيّه

و استباحت سترها فوق ماطاها

حيلتي لاهبت النود عصريّه

قمت مع كل الجهات آتحراها

وأمست الفرحه يتيمه ومنسيّه

في عيون حرقة الوجد تصلاها

عن خدينات الترف نفسي امعيّه

لو تجيني مثلها كنها اياها !!

من غدت منه ( الذلول العمانيّه )

ماتعوضه ( ناقة الله وسقياها )

دكّت ضيوف المعازيب رجليّه

مابقى الاّ ضيفةٍ فوق مركاها

سيرةٍ من وحي عامين هجريّه

ودّي أنساها ولا ودّي أنساها

المعالم والرسوم الطلاليّه

مايحفظ أمجادها الا بقاياها

ذكرياتٍ تعبر العمر طرقيّه

وذكرياتٍ في وطنها ومرباها

وصورةٍ في متحف البال مطويّه

كل يوم آفلّها وآتهجاها

من لها قدر أوّلويّه وأهميّه

ماشعرت بغربة الروح لولاها

والذي نفسي بيده إنّها ليّه

أقرب من كفوفها عند حناها

لو جفتني والعيون الشقاويّه

مرّها حلو المنام وتعداها



مدغم ابوشيبه

[خلف الغريب]

ذائقة رائعة اخوي ابن هندي..


سلمت يمناك وسلم لسان راعيها المبدع مدغم ابو شيبة ..

تحياتي..

[سعوط المجانين]

لاهنت يابن هندي على النقل الرائع وصج لسان مدغم ابو شيبه

[شيهانه]

صح لسانه


وسلمت اناملك على هذا الاختيار

...........................

[عاشق المعالي]

صح لسان الشاعر

وشكرا على الاختيار الموفق

[الصقار]

الاخوه الكرام

خـــــــــــــــــــــــــلف الغريــــــــــــــــــــــب
سعوط المجانيـــــــــــــــــــــــــــــــــــــــــــ ن
شيهـــــــــــــــــــــــــــــــــــــــــــــــ ـــــــا نه
عـــــــــــشق المعـــــــــــــــــــــــــــــــا لي

تشرفت بكم وفي مروركم الذي اسعدني
الف شكر تقبلوا فائق تقديري

[سعود المسعودي]

لاهنت يابن هندي على النقل الرائع وصح لسان مدغم ابو شيبه

[الصقار]

هلابك صقر واسعدني مرورك الكريم
تحياتي

[رابح الغضيان]

ابن هندي مافيك حيله دائما مميز

الله يعطيك العافيه

وصح السان مدغم ابوشيبه

تحيااااااتي لك

[الصقار]

هلا بك اخوي رابح

والمميز حضورك الذي اسعدني

وشرفني

الف شكر على مرورك وكلماتك الطيبه

تقبل تحياتي و احترامي

[الجادل]

مبدع يابن هندي بإنتقاء المميز ....
ذائقة رائعة بروعة ناقلها ....
.... تحياتي لك ....

[الصقار]

الرائع والمميز مرورك اختي
الجادل
تقبلي تحياتي

[شجاع النومسي]

الله عليك

صح اختيارك وبالفعل اختيار موفق