قلب قاسي

[الصقار]

عبدالله باتل الرشيدي .........................

لاوهني الناس تدله مع الناس ===== وانا عجزت القى مع الناس ناسي

انا هواجيسي ليادك الادماس ====== عليً دكن مع دكاك الدماسي

ما مر يوم الا وبالقلب هوجاس ===== والله مادري كيف ما شاب راسي

باسباب محبوب(ن) من البيض حساس = ماشفت مثله في جميع الجناسي

خل(ن) بني حبه بقلبي على ساس === ورسى كما ترسي جبال رواسي

اسمه بقلبي كاتبه بين الاقواس ==== اربع حروف(ن) حطم(ن)قلب قاسي

ابو عيون(ن) كنها عيون قرناس === شاف ابرق الجنحان بين الهراسي

لو مادرس بالمدرسه عدم الاجناس === زينه وعقله مستواه الدراسي

غبت بحر من طب في وسطها انحاس = اوصاب عقله من هواه انتكاسي

حبه تحول تالي الوقت وسواس ===== لامدرك(ن) وصله ولاني بناسي

لو اقدر اصبر واقنع النفس لاباس === لكن عجز عن مقصد النفس باسي

دخلت مستشفى الروابع والاخماس = وكتبتله في قلبي اسم(ن) خماسي

واخذت انا وياه مده بلا وناس = ===وقبل حلول اهمومها والمآسي

واندارت ايام السعاده بلا تعاس ==== وكل(ن) شرب من مر فرقاه كاسي

هو يحسبني طعت عاذل وبلاس === وان زماني صار فيه انعكاسي

ومن بعد هذا حال من بيننا الياس === ولازال حبه هو بلاي الاساسي

[سعود المسعودي]

ابن هندي



صح لسانك وصح اختيارك اللي اكثر من رائع




وصح لسان شاعرها





تقبل مروري




ودمت بود

[الصقار]

صقر ....سلمت ودمت

وشكرا على مرورك الذي شرفني

[محمد الدلماني]

الكريم ابن هندي اختيار جميل تسلم ايدينك على نقلها هنا وصح لسان الشاعر عبدالله باتل الرشيدي

[الصقار]

سلمت اخوي محمد الدلماني


مرورك اسعدني...تحياتي