خلف الغريب
19/05/08, (01:36 AM)
كما وعدتكم سابقا بجلب نماذج من روائع متعب المطلق الركابي شفاه الله هذا الشاعر الفذ الحزين
أسأل الله أن يشفيه ويرفع عنه ما هو فيه ...
متعب المطلق وله من اسمه نصيب : شعر يمشي على قدمين , وحزن على شكل انسان , ومأساة على شكل شاعر...
شاعر لا كالشعراء .. واحاسيس لا يشبهها القمر ليلة البدر والجو صحو ..
نفس شفافة اصطدمت بوحشية زمن العولمة فلم تصمد امام الوحشية الرهيبة من بني الانسان ..
لله درك يا متعب ..... كتبت فملكت المشاعر وامسكت بالاحاسيس واسلت الدموع وقطعت القلوب ...
اذا كان هناك شعر تجاوز الشعر فهو شعر متعب المطلق ...
لا أدري ما وجه الشبه بين متعب المطلق ومتعب التركي ... لا اعلم .. المهم انني اعيش نفس المشاعر مع شعر المتعبين الاثنين ...
نصيحة : اذا اردت ان تعيش المشاعر الانسانية المرهفة فاقرأ للمتعبين فستروي ظمأك ...
هنا : أحببت أن أقطف لكم ورودا فاح شذاها من بستان متعب المطلق فهيا بنا ....
متعب .. أسأل الله أن يشفيك ويلبسك ثوب الصحة والعافية ...
أبدأ بهذه الرائعة .. ( رجم القصيد )
:
بديت رجـم القصيـد وهلـت العبـره=علـى زمـان تعـدى مـر متقـافـي
نبشت سالف حديث مـات فـي قبـره=اعيش طيفه وانا من فـوق مشرافـي
اي والله ادري عن اللي فات واخبـره=الخافي اعظم وكيف انساك يا الخافـي
اللي تكسر تكسـر مـا نفـع جبـره=العمر يمضي وانـا للحـزن ميلافـي
اخذت من الفايته للـي تجـي عبـره=لو ان اثرها سفى من فوقـه السافـي
حظوظ تنهض وبعض حظوظ منثبـره=وحظي برك بالطريق وطال ميقافي
لا جيت له باع , طاح وضاق بي شبـره=يا عنـك حـظ ردي وماهـو سنافـي
الليـل دمه ثقيـل وصايبه كـبـره=ممشاي قـدام كنـي ارجـع اخلافـي
يا باري الحال هاك اللي بقـى وابـره=لاتنشد الحـال لاتنشـد عـن اتلافـي
كل شي على الله ... وانا ما في يدي دبره=حالي تعـود مـا دام العـود متعافـي
وله هذه الشجية :
على الفـال القديـم ومنتهـاه ومرحلـة مبـداه=ياليت العمر يرجع واختصر فيه أجمـل سنينـي
بدت رحلة عذابـي مـع بدايـات أول المشهـاه=و انا وشلـون أطيـب وجمـرة الحرمـان تكوينـي
بدون حدود أسافر والمدى مـل الرحيـل وتـاه=غريب أطوار في وجه المدى ضاعـت عناوينـي
مشيت بعزم واعـن المسيـر وجيـت بالمثنـاه=هقيت أنـى تعديـت العطـش و أثريـه يمشينـي
أبارى للزمان اللـي رمانـي بأوسـط المظمـاه=بغيت ارجع وطحت من التعب , ما عـاد يمدينـي
تحملّت الكثير وجـا كثير(ن)مـا قويـت أقـواه=كثر صبري لصبري كثر مـا النسيـان ناسينـي
ليا مني ذكرت اللي ذكرت بما مضـى قلـت ..ااااه=اجر الونـة اللـي تلتهـب بقصـي شرايينـي
دخيلك يـا زمانـي لاتحـد المنجـرح لأقصـاه=ترى ما باقـي الا روح ملـت بعـض تكوينـي
أنا اذكر شخص معجب في قصيدي قال : يا ما احلاه=سألني كيف تكتـب ؟ قلـت : هذا اللـي معنينـي
أنا ما اكتب قصيد ! اكتـب عذابـي انظمـه واقـراه=مادام انه معي لو من بعـض بعضـه يسلّينـي
كتبته من صميـم الواقـع اللـي بينـه جفـواه=وانا والله خـويــك يالقـصـيـد ولا تخلـيـنـي
انا مانـي حواجـه للحسـود ومقصـده ومنـاه=يبيني عذر جامد لاهدمنـي صعـب يبنينـي
أنا واضح ماجي ضده لوان اللـى يبيـه ابغـاه=كـذا طبعـي قنـوع... الكلمـه الحلـوه تكفينـي
يابعدك ياالهنـا يامستحيـل ويـن انـا ويـاه؟=عجزت اتخيلك حتـى بخيالـي ما انـت لافينـي
عرفتك قبل اعرفك شك صارم وانتظـرت اتـلاه=عرفتك غير غير......ومن بعدها طحت من عيني
اناظـر والبخـت كنـه عليـل باهتـه لقـيـاه=على باكر وباكر عاد مـدري ويـن يرمينـي ؟؟
غموض في غموض مابقى شـي علـى معنـاه!=تعدانـي سحـاب المغفـره والذنـب حاديـنـي
الاياالله ياالله يـافـسـيـح الـمـغـفــره ياالله=انا عبدك تحـت زرقـة سمـاك ورافـع يدينـي
وحيد(ن) مامعي غير الخطايا واطلب المرضـاه=بك امنت ورضيت بكـل مـا تاخـذ وتعطينـي
واترككم مع هذه اللوحة الفنية :
الشمس لاودعت يكتب عزاها الشفق=بحروف تقرا خيوط الليل مضمونهـا
وعادة الأشجار تهدي للخريف الورق=وتبقى حزينة تصيح الريح بغصونها
هي المحبة كذا من قال بلوى صـدق=مرات يا صعبهـا ومـرات ياهونهـا
يموج قلبي ليا بـان القمـر وادرق=بالغيمة اللي فضح لون القمر لونهـا
ياخد يا مصطبـح بالنـور يا مغتبـق=سولف لمفرق نحرها وجد مضنونها
يا هيه سولف لشلال الشعر لا اندفـق=اليا استجن الهبوب وداعب متونهـا
الله خلق لكن الله بين خلقـه فـرق=عينتني يوم باحـت لـي بمكنونهـا
قام الخفوق يتفلت بالضلوع وخفـق=من يوم ذاب السكات وسال بعيونهـا
تنعس بليا نعاس وجفنهـا ما انطبـق=تهز ليل الرمـوش وتنثـر فنونهـا
وانشد الليل والسارق عن اللي سرق=والوم ليلى على تعذيـب مجنونهـا
لاطالعـت كنـه ريميـة تصطـفـق=لدت وشافـت قوانيـص يشوفونهـا
أخمر حديهم وسدد بندقـه وانفهـق=وفزت من الذعر واقفت قبل يرمونها
هذا هو الريم لامـن هـج ما ينلحـق=بعد الخريعة حشـا ماعـاد يلقونهـا
واختم بهذه الفريدة :
ياللي تقولين متعـب فايـض كيلـه=بعض المواضيع ما تطري على بالـي
يوم إن وقتي غزاني وأرجست خيله=صمدت لين الليالـي شينـت فالـي
أمشي وهمـي يبارينـي وأباري لـه=وأهيم كنـي بديـرة مابهـا والـي
الليـل ظلمـا وخانتنـي قناديـلـه=ياما إنتظرت الشـروق ولا تهيالـي
سلاحي الصبر لامن ضاقت الحيلـة=أحب أواجه واحـط الواقـع قبالـي
ومن صد عني ليا صديـت ما أجيلـه=من عادتي ما التفت لوجيـه عذالـي
يابنت ماني حديث ٍ صعب تأويلـه=إنسان واضح ولا حبيـت ما أبالـي
إن كان لك قلب لين غـض قولي لـه=هو من متى يخطي الغالي على الغالي ؟؟
كلامـك العـذب يا شينـه و يا حليلـه=تكذب عيونك وأصدقها من هبالـي
يابنت صرتي مثل برجـي وأقاويلـه=وش يضمن إني بقلبك ساكن لحالـي ؟؟
الهرج مايفيـد تقصيـره وتطويلـه=يا ليتني ماعرفتـك يمكـن أشوالـي
تحياتي للجميع
أسأل الله أن يشفيه ويرفع عنه ما هو فيه ...
متعب المطلق وله من اسمه نصيب : شعر يمشي على قدمين , وحزن على شكل انسان , ومأساة على شكل شاعر...
شاعر لا كالشعراء .. واحاسيس لا يشبهها القمر ليلة البدر والجو صحو ..
نفس شفافة اصطدمت بوحشية زمن العولمة فلم تصمد امام الوحشية الرهيبة من بني الانسان ..
لله درك يا متعب ..... كتبت فملكت المشاعر وامسكت بالاحاسيس واسلت الدموع وقطعت القلوب ...
اذا كان هناك شعر تجاوز الشعر فهو شعر متعب المطلق ...
لا أدري ما وجه الشبه بين متعب المطلق ومتعب التركي ... لا اعلم .. المهم انني اعيش نفس المشاعر مع شعر المتعبين الاثنين ...
نصيحة : اذا اردت ان تعيش المشاعر الانسانية المرهفة فاقرأ للمتعبين فستروي ظمأك ...
هنا : أحببت أن أقطف لكم ورودا فاح شذاها من بستان متعب المطلق فهيا بنا ....
متعب .. أسأل الله أن يشفيك ويلبسك ثوب الصحة والعافية ...
أبدأ بهذه الرائعة .. ( رجم القصيد )
:
بديت رجـم القصيـد وهلـت العبـره=علـى زمـان تعـدى مـر متقـافـي
نبشت سالف حديث مـات فـي قبـره=اعيش طيفه وانا من فـوق مشرافـي
اي والله ادري عن اللي فات واخبـره=الخافي اعظم وكيف انساك يا الخافـي
اللي تكسر تكسـر مـا نفـع جبـره=العمر يمضي وانـا للحـزن ميلافـي
اخذت من الفايته للـي تجـي عبـره=لو ان اثرها سفى من فوقـه السافـي
حظوظ تنهض وبعض حظوظ منثبـره=وحظي برك بالطريق وطال ميقافي
لا جيت له باع , طاح وضاق بي شبـره=يا عنـك حـظ ردي وماهـو سنافـي
الليـل دمه ثقيـل وصايبه كـبـره=ممشاي قـدام كنـي ارجـع اخلافـي
يا باري الحال هاك اللي بقـى وابـره=لاتنشد الحـال لاتنشـد عـن اتلافـي
كل شي على الله ... وانا ما في يدي دبره=حالي تعـود مـا دام العـود متعافـي
وله هذه الشجية :
على الفـال القديـم ومنتهـاه ومرحلـة مبـداه=ياليت العمر يرجع واختصر فيه أجمـل سنينـي
بدت رحلة عذابـي مـع بدايـات أول المشهـاه=و انا وشلـون أطيـب وجمـرة الحرمـان تكوينـي
بدون حدود أسافر والمدى مـل الرحيـل وتـاه=غريب أطوار في وجه المدى ضاعـت عناوينـي
مشيت بعزم واعـن المسيـر وجيـت بالمثنـاه=هقيت أنـى تعديـت العطـش و أثريـه يمشينـي
أبارى للزمان اللـي رمانـي بأوسـط المظمـاه=بغيت ارجع وطحت من التعب , ما عـاد يمدينـي
تحملّت الكثير وجـا كثير(ن)مـا قويـت أقـواه=كثر صبري لصبري كثر مـا النسيـان ناسينـي
ليا مني ذكرت اللي ذكرت بما مضـى قلـت ..ااااه=اجر الونـة اللـي تلتهـب بقصـي شرايينـي
دخيلك يـا زمانـي لاتحـد المنجـرح لأقصـاه=ترى ما باقـي الا روح ملـت بعـض تكوينـي
أنا اذكر شخص معجب في قصيدي قال : يا ما احلاه=سألني كيف تكتـب ؟ قلـت : هذا اللـي معنينـي
أنا ما اكتب قصيد ! اكتـب عذابـي انظمـه واقـراه=مادام انه معي لو من بعـض بعضـه يسلّينـي
كتبته من صميـم الواقـع اللـي بينـه جفـواه=وانا والله خـويــك يالقـصـيـد ولا تخلـيـنـي
انا مانـي حواجـه للحسـود ومقصـده ومنـاه=يبيني عذر جامد لاهدمنـي صعـب يبنينـي
أنا واضح ماجي ضده لوان اللـى يبيـه ابغـاه=كـذا طبعـي قنـوع... الكلمـه الحلـوه تكفينـي
يابعدك ياالهنـا يامستحيـل ويـن انـا ويـاه؟=عجزت اتخيلك حتـى بخيالـي ما انـت لافينـي
عرفتك قبل اعرفك شك صارم وانتظـرت اتـلاه=عرفتك غير غير......ومن بعدها طحت من عيني
اناظـر والبخـت كنـه عليـل باهتـه لقـيـاه=على باكر وباكر عاد مـدري ويـن يرمينـي ؟؟
غموض في غموض مابقى شـي علـى معنـاه!=تعدانـي سحـاب المغفـره والذنـب حاديـنـي
الاياالله ياالله يـافـسـيـح الـمـغـفــره ياالله=انا عبدك تحـت زرقـة سمـاك ورافـع يدينـي
وحيد(ن) مامعي غير الخطايا واطلب المرضـاه=بك امنت ورضيت بكـل مـا تاخـذ وتعطينـي
واترككم مع هذه اللوحة الفنية :
الشمس لاودعت يكتب عزاها الشفق=بحروف تقرا خيوط الليل مضمونهـا
وعادة الأشجار تهدي للخريف الورق=وتبقى حزينة تصيح الريح بغصونها
هي المحبة كذا من قال بلوى صـدق=مرات يا صعبهـا ومـرات ياهونهـا
يموج قلبي ليا بـان القمـر وادرق=بالغيمة اللي فضح لون القمر لونهـا
ياخد يا مصطبـح بالنـور يا مغتبـق=سولف لمفرق نحرها وجد مضنونها
يا هيه سولف لشلال الشعر لا اندفـق=اليا استجن الهبوب وداعب متونهـا
الله خلق لكن الله بين خلقـه فـرق=عينتني يوم باحـت لـي بمكنونهـا
قام الخفوق يتفلت بالضلوع وخفـق=من يوم ذاب السكات وسال بعيونهـا
تنعس بليا نعاس وجفنهـا ما انطبـق=تهز ليل الرمـوش وتنثـر فنونهـا
وانشد الليل والسارق عن اللي سرق=والوم ليلى على تعذيـب مجنونهـا
لاطالعـت كنـه ريميـة تصطـفـق=لدت وشافـت قوانيـص يشوفونهـا
أخمر حديهم وسدد بندقـه وانفهـق=وفزت من الذعر واقفت قبل يرمونها
هذا هو الريم لامـن هـج ما ينلحـق=بعد الخريعة حشـا ماعـاد يلقونهـا
واختم بهذه الفريدة :
ياللي تقولين متعـب فايـض كيلـه=بعض المواضيع ما تطري على بالـي
يوم إن وقتي غزاني وأرجست خيله=صمدت لين الليالـي شينـت فالـي
أمشي وهمـي يبارينـي وأباري لـه=وأهيم كنـي بديـرة مابهـا والـي
الليـل ظلمـا وخانتنـي قناديـلـه=ياما إنتظرت الشـروق ولا تهيالـي
سلاحي الصبر لامن ضاقت الحيلـة=أحب أواجه واحـط الواقـع قبالـي
ومن صد عني ليا صديـت ما أجيلـه=من عادتي ما التفت لوجيـه عذالـي
يابنت ماني حديث ٍ صعب تأويلـه=إنسان واضح ولا حبيـت ما أبالـي
إن كان لك قلب لين غـض قولي لـه=هو من متى يخطي الغالي على الغالي ؟؟
كلامـك العـذب يا شينـه و يا حليلـه=تكذب عيونك وأصدقها من هبالـي
يابنت صرتي مثل برجـي وأقاويلـه=وش يضمن إني بقلبك ساكن لحالـي ؟؟
الهرج مايفيـد تقصيـره وتطويلـه=يا ليتني ماعرفتـك يمكـن أشوالـي
تحياتي للجميع