يا الأدمي لــــو كنت تبني أبناء = مـــاهو أكيد أنك تشوف نباتــك

[احساس شاعر]

الســــــــــلام عليكم ورحمة الله وبركاته


يا الأدمي لــــو كنت تبني أبناء = مـــاهو أكيد أنك تشوف نباتــك

الموت فرق ناس بلا أعفاء = ويامدور المسكان المناديب جاتك

الورث جمع ناس كانوا باإقفاء= كبيرهم أخذ حق أصغر بناتك

والعيب بينهم كان له أغطاء = با المال تجبره وهذي جزاتك

نهجت منهج الغرب با إعماء =نسيت دينك وهذي من صفاتك

ماينفع الميت كود أدعاء= من زرع تزرعه تحصد نجاتك

يامدور الدنيا بالأخرة إبقاء= بين الرسل فيها تزهر حياتك
تقبلوا أحترامي ...................................

[احساس شاعر]

اتطلع الى ردوكم وااراكم

[رابح الغضيان]

أخوي الشاعر... أحساس شاعر
اولا صح ألسانك الفكرة رائعة والطرح جميل.

ثاتيا عندك خلل في الوزن وكسر في المعنى
أخوي الغالي حاول تلحن القصيدة قبل كتابته
على أي طرق يمشي معك حتى تنساب القصيدة بسلاسه
وحاول تربط بين الصورحفظك الله ورعاك ودمت على العز والمعزه
أخوك : رابح الغضيان،،،،

[احساس شاعر]

مســــــــــــــاء الخير والنور

الاخ الكريم رابح الغضيان صــــــــــح بدنــــك

وجزاك الله خير على النقد الهادف ......

وتقبل أحترامي وتقديري ..............................

[خلف بن فهد الراشد]

كن دومآ احساس شاعر

والله الموفق

بود
خلف

[سعود المسعودي]

احساس شاعر
صح لسانك ويعطيك العافية
وتقبل مرور ودمت بخير وعافية

[شاعر المعنى]

شكرا لك على التفاعل

[سعد النفج]

يالآدمي لو كنت تسعى لأشياء=ماهو أكيد انك تحقق مناتك
الموت فرّق ناس(ن) اجتمعو احياء=و يا مدور الدنيا ترا الموت فاتك
دنيا بها غفلة بشر و ايضاً اغواء=و اصدق نصيحه ( لا تفوّت صلاتك)
أقدار..و اعمال..و تأمل..و أصداء=لكن تهيأ قبل تِعلن وفاتك
ارجع لربك و اترك آمال الابقاء=ما تضمن الدنيا بصفحة حياتك
ما عاد نتحمل معارك و ضوضاء=و ياوقت طعم الحزن غيّر صفاتك
ما حرك دموعي و لاجاب الاغماء=غير العجوز اللي انحنت من قساتك
فجأه كذا تغيرت كل الاجواء=لليوم هذا كيف ابجمع شتاتك؟؟
كل ما ذكرت ام السعد جيت بكّاء=وان جيت ابصبر ضقت باربع جهاتك
ذيك العجوز اللي مع ابناء الابناء=تبسط يديها وانت تخفي بلاتك
الله يقدر و الرضا بكل ما شاء=إيمان مني والله اعلم بذاتك
و ان جيت تنشدني عن الغيب هي (( لاء))=أوضح إجابه في خفا مسألاتك
لكن ليامن صحت مثل الطفل ( وااااء)=أبعد مشاريه الخطا عن سماتك
ما ظن تشره لو تكاثرت الاخطاء=أخطي و اعرف ان البلا في ثباتك
ياااوقت علمني عن اشياء و اشياء=ليه اتعنّا و اندفن في فلاتك
اشرح و علمني من الألف للياء=ليه انهمر دمعي على ذكرياتك



؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[احساس شاعر]

السلام عليكم ورحمة الله وبركاته
الشاعر المتميز سعد النفج مساك الله با الخير
اولا اعترف وبكل فخر باني قد جاريت قصيدتك المذكور اعلاه او اخذت منها الفكره ولكن ماهي الا تجربه قام بها تلميذ
تعلم من استاذه وتقبل احترامي وتقديري .




ودمتم سالمين ...............