( بيـت من الحـــكـــمة ).. دعوة للمشـــــــاركة...

[فهد الشافي]

فكّر بعقلـك دامك احساس وشعور

, , , , , , , , , , انت المكلف والبهيمه بيهــه

وياقلب لاتشكي من الظلم والجور

, , , , , , , , , , هذا زمان المسّكنه والنميمــه

؟
؟
؟
؟


رااااااااابح

[حـــور]

يا حبيبي ليت كـــــــــــل من راح ... راح
خذ معاه الشـــــوق ريح و اســـــــــتراح
ما ترك غيره يهده الهم .. و تبنيه الجراح

[فهد الشافي]

الصقر مايشبه ترى طائر الوزالوز يبقى وز والام وزه
خلك على معسلك جالس ومغتزوان مر زولٍ حاول انك تخزه
وحرص على الخباز والفرن والقزعلوم القبايل خلها ياخو عزه

[فهد الشافي]

الصقر مايشبه ترى طائر الوز............الوز يبقى وز والام وزه
خلك على معسلك جالس ومغتز..............وان مر زولٍ حاول انك تخزه
وحرص على الخباز والفرن والقز................علوم القبايل خلها ياخو عزه




رابح الغضيان

[فهد الشافي]

البارحـه بالحـلـم قبـلـت أيـاديـك
...........واحرقتهن بالبوس مـن نـار شوقـي
ومـره اهلـي بـك ومـره احيـيـك
..............من وين هذا النـور يانـور موقـي ؟
مدري شسولف لك ولا ادري وش اهديك
............ياللي غرامـك سـال داخـل عروقـي





للرائع/رابح الغضيان

[فهد الشافي]

دامك شعر لا تجلس بكرسي الهـون
.............لا تمتطي للمجد صهـوة علاقـات
دام انت ثابت قل لهـم وش تمنـون
.............ماني بحاجه ادفـع لعرفـي اثبـات
رابح وغيري بالمواجـه يخسـرون
..............ليا اعتزيت بعـزوة ترفـع الـذات
خل الفقر يشره على صيت قـارون
..........وحلم الثرى يوصل صفوف المجرات






علي السابل

[أبو غرام]

الموت قرّب والحبل صار ممسوس
..........................والله يهوّن قطعته من يدينا

حقٍ لون الجزع بالنفس مغروس
.........................نجزع ولكن نقبل اللي علينا


ابو غرام

[أبو غرام]

بالك تسّمع هرجة القفو وش هي=لاعاد من يغتاب يضحك بنابه

دامك تجيه ويعطي المد من قي=وش لك بهرجٍ مايجي به ذرابه


أبو غرام

[هيـاا العـازمـي]

.
.

علمت نفسي درس مآآنييب ناسيه
ما قيل لي ... ولا حفظته من كتاب

لا حدني وقتي على شي مابيييه
أعز نفسي .. ومنة الناس بتراب

[أبو غرام]

ان الحقود وإن تقادم عهده

................فالحقد باق في الصدور مغيّب

لاخير في ود أمريء متملق

................حلو اللسان وقلبه يتلهّب

[هيـاا العـازمـي]

.
.

لولا الخطا محدن عرف قيمة الصح
ولولا الصحيح يصح جات الفضايح

شي طبيعي يوم ننصح وننْصح
الناس كانوا يشترون النصايح

يا جاهلٍ في الوقت تسرح وتمرح
ترى الحياه لها نظام ولوايح

وإن كان ما تبغى كلامي هذا رح
واشره على اللي قال وين أنت رايح

[هيـاا العـازمـي]

.
.

ياللي على دنياك ضايق ومحزون
فكر معي خل الكدر والكآبه

ما دمت في حكم المقادير مرهون
خل الزعل ماجابه الرب جابه

اضحك على دنياك بالعسر والهون
واللي يصيبك صاب غيرك صوابه

ولو البشر ماهم مع الوقت ينسون
ما شفت بين الناس ضحك ودعابه

[حـــور]

لا تجيني بـ ليـه .. و تروح بـ حسوف ... !
ما تشتهيني .. قول .. ما تشتهيني .. ؟!

وش فايدة ’ الاحلام ، لا صارت طيوف .. ؟!
وش فايدة | قلب | عجز يحتويني ... !

[هبوب العنزي]

ولم أر في عيوب الناس شيئًا .. كنقص القادرين على التمام‏

[عبدالعزيز السعود]

ياشين بعض القصيد وياثقل دمه ..=لامن قريته كرهت الشعر وعلومه !!
ويازين بعضه تقل كني ولـد عمـه..=من زود حبه .. جعل يومي قبل يومه!

[عبدالعزيز السعود]

الحب أوله شيء يهيـــــم به=قلب المحب فيلقى الموت كاللعب
يكون مبدؤه من نظرة عرضت=ومزحة أشعلت في القلب كاللهب
كالنار مبدؤها من قدحة فإذا=تضرمت أحرقت مستجمع الـحطب

[هيـاا العـازمـي]

.
.

يعني إذا حاصرت نفسك بَ غُرفَه
............. بَ تلقىَ شبَه منكْ , وترضىَ , وترتآح


حآول تعيشَ بَ وجهكَ آللي تعرفه
............. آلأقنِعَه مآ تَخفيَ الحسْ ياا صآح !

[أبو غرام]

تراه ما ينــفعك خالك ولا أخــــــــــوك
لا صار ما تقضي لزومك بيمــــــــــناك
وربعك ليا بان الخلل فيك عافــــــــوك
أقرب قريب ٍ لك من الناس يشــــناك
إن كثر مالك صدقواّ لك وطاعــــــــوك
وإن قل ما بيديك شانت حلايـــــــاك

[أبو غرام]

كم واحد ٍ له غايه ما هرجها=يكنها لو هو للادنين محتاج

يخاف من عوجاً طوال عوجها=هرجت قفا يركض بها كل هراج

[هيـاا العـازمـي]

.
.

ليت الكلام .. يداوي الجرح والروح..
كان القصيد اللي نقوله .. نفعنا..

[عبدالعزيز السعود]

ودنا بالطيب بس الدهر جحـاد طيب=كل ما تخلص مع الناس كنـك تغشها
يدك لامدت وفاء لاتحرى وش تجيب=كان جاتك سالمه حب يـدك وخشها

[هبوب العنزي]

ما كل من هزّ الحسامَ بضاربِ .. ولا كل من أجرى اليراع بكاتبِ‏

[أبو غرام]

ياليتني لا طحت لاطحت لاطحت
=
ماطيح عند اللي تمنى مطيحي

[عبدالعزيز السعود]

انعكاس الضوء في خد المياه بقاع بير=يجبر الظلمى تبطل فلسفات الانتهاك
وازدراء الناس و العيشة يإقليم الحصير=ما يولد غير قال فلان( شف ذاك وهذاك)
والرفاهيه وإقصاء العمامه والبعير=تنجب الخيبه وتدعو للتفرج في عراك

[حـــور]

يالله عفوك يوم تصفية الحساب
يوم الحصاد لما زرعنا في السنين
يوم الحشر قرب ولامعنا زهاب
اليوم في الدنيا وبكره راحلين

[هيـاا العـازمـي]

.
.

اللي يتهرب من مواجهة سنينه
يلقى على دربه سنينه تحراه !!

[عبدالعزيز السعود]

انشهد ان الرفيق الكفو مثل الرصيد=تلقاه لا كشرت بقعا بنيبانها
ياقف معك وقفةً يلين منها الحديد=عند الرجال العوارف ياكبر شانها

[عبدالعزيز السعود]

إذا اصفر لون المرء وابيض شعره=تنقص من ايامه مستطابها
فدع عنك سوءات الامور فإنها=حرام على نفس التقي ارتكابها
ومن يذق الدنيا فإني طعمتها=وسيق الينا عذبها وعذارها
فما هي إلا جيفة مستحيلة=عليها كلاب همهن إجتذابها
فإن تجتنبها كنت سلماً لاهلها=وإن تجتذبها نازعتك كلبها

[هيـاا العـازمـي]

.
.

الدمع ما هو عيب .. رح علم اللي
يقول ما عمره بكى في حياته !

الدمع ما يقطع صلاة المصلي
والضحك مثل ابليس يقطع صلاته

[هيـاا العـازمـي]

.
.

يا عاشق الكذب حظك بين الأجواد طـاح
الكذب ما مـن وراه إلا سـواد الوجيـه

فيصل الرياحي رحمة الله عليه

[هيـاا العـازمـي]

.
.

الغصن لو انه يطيع الريح في بعـض الأمـور
ماهوب لازم ينثني ويطـاوع الريـح ورقـه

[هيـاا العـازمـي]

.
.

أغلب علاقات هذا العصـر متطـوّره
تطّور ٍ لا بشـرع الله ولا لـه طـراه

[حـــور]

ودّك تشوف شلون تنظر لك الناس .؟
شف نظرتك للناس وتعرف وشلون
على حسب مقياس نظرتك .. تنقاس
ان شفتهم من دون شافوك من دون

[أبو غرام]

خوتك للي كـل علـم يحكيبـه
لاتزعل أليا غبت عنـه وتمكنـك



ومن يجحد المعروف صمتك طبيبه
ماهو بقدراً لك على شان يغبنـك

[سعود المسعودي]

رجلك ليا ضاقت لياليك سجها
.............................عسى تواليها تبشر بالافراج

[هيـاا العـازمـي]

.
.
.

عز العزيز اللي توده وتغليه ما دمت حي ودام عينك تشوفه
لو صد يشفع له حلو ماضيه وحقه عليك إنك تقدر ظروفه

[أخـت أخـوهـا]

و ما من كاتب إلا سيفنى === ويبقى الدهر ما كتبت يداه
فلا تكتب بخطك غير شيء === يسرك في القيامة أن تراه

:rose::)

[هيـاا العـازمـي]

.
.

[[ الصمــت ]] يـذبـح .. لكـن الصمــت [[ راحــة ]]
بحضـور مـن ظنّـه [[ خطــا ]] دايـمٍ فيــك .. !!

[هبوب العنزي]

ووضع الندى في موضع السيف بالعلا .. مضر كوضع السيف في موضع الندى‏

[ناصرالسويلم]

قال الشاعر المرحوم احمد السديري

لولا الهرم والفقر والثالث الموت = يلادمي بالكون ياعظم شانك

شكراً لك خلف

مودتي

[هيـاا العـازمـي]

.
.

لولا العسر ضاعت علينا المعايير
بين القلوب الطيبة والقبيحة

كم صاحبٍ تشريه حمر الدنانير
ما تشبع أذنك من روايع مديحه

لكن ليا صكت عليك المقادير
يطلع من المتردية والنطيحة

[هبوب العنزي]

تعدو الذئاب على من لا كلاب له ..‏ وتتقي صولة المستنفر الحامي‏

[هيـاا العـازمـي]

.
.

ترى بدري على مثلك تعيب وساسهـا معيـاب
ياليت اللي يعيبنـي .. يحـاول يستـر اثيابـه

انا لاجتني الزله .. من الجاهـل وهـو كـذاب
تركت القافله تمشـي .. وراهـا تنبـح كلابـه

وانا ليا من كشف ان الخوي اصبح لسانـه داب
نزعت السم من عرقه وكسرت بمخلبـي نابـه

[هيـاا العـازمـي]

.
.

تعلمت ان العطا لو زاد عنه حده خطا
وتعلمت ان الجميل ما يملى كفوف البخيل

وتعلمت ان العيون اذا عشقت ستر وغطا
وان اصدق دروب المحبه ما تبغى دليل

[هيـاا العـازمـي]

.
.

بعض الحكي لا طلع ما تقدر ترده
...... مثل السهم لطلقه من قوسه النابل

وبعض العرب لا حكى حكي ٍ ما هو قده
...... يطيح قدره (إذا) ما يقدر يقابل

[هيـاا العـازمـي]

.
.

إذا المرء أفشى سره بلسانه
ولام عليه غيره فهو أحمق

إذا ضاق صدر المرء عن سر نفسه
فصدر الذي يستودع السر أضيق

[هيـاا العـازمـي]

.
.
.

لعنبو حيّ الغلا .. لابـوه .. لابـو جَـدْ جَـدَّه
مرخي عزوم اللّحـاوا البيـض ومبيَّـد جلَدْهـا

كم شجاع يفجْ غِـرَّات العـدا مـن فعـل يَـدَّه
لَين فجَّت مهجته هَطْفـا ً تقـوده وسـط يَدْهـا

والرجل ما يطرحه عنـد المَـرَه يـا كـود وِدَّه
لا بدت تدلـي عليـه بكيدهـا وامسـى ولَدْهـا

[هيـاا العـازمـي]

.
.
.

الصبر زين وراعي الصبر ما خاب
والضيق من عقبه تصير انفراجـه

وكم واحدٍ يرمي الهدف مار ما صاب
هذاك ضيع صيدتـه فـي عجاجـه

[هيـاا العـازمـي]

.
.

طيعي كلامي واحذري لا تماديـن
تراجعي لعل فـي الأمـر خيـره

عيشي الطفوله والبراءه لك سنين
وبعدين حبّي لا غديتـي كبيـره

[حـــور]

الصبر مفتاح الفرج

[هبوب العنزي]

وإذا ما خلا الجبان بأرض ..‏ طلب الطعن وحده والنزالا

[نايف سعد الخمعلي]

الله يعطيك العافيه ابو خالد
دائماً مبدع
اترككم مع شيء مماكتب نايف الخمعلي
وسوف أضعها بين أيديكم عما قريب إنشاء الله
مهما تشوف وماحصل لك بلا شكوك
.........مكتوب لك واللي كُتِب لك تلاقه
ــــــــــ
ومنها
النفس راي النفس منفي ومتروك
.........توقعك في فخ الزمان بحماقه

[أبو غرام]

ما هقيت ان للجمايل مع العالم جحود
.......................................لين معروفي بذلته بناس وجحدوه
اشهد ان اللي يجود فيمن لا يجود
....................................مثل اللي حجج على غاربه ذباح ابوه



حمد بن هادي المسردي رحمه الله

[أبو غرام]

.
.
.

لعنبو حيّ الغلا .. لابـوه .. لابـو جَـدْ جَـدَّه
مرخي عزوم اللّحـاوا البيـض ومبيَّـد جلَدْهـا

كم شجاع يفجْ غِـرَّات العـدا مـن فعـل يَـدَّه
لَين فجَّت مهجته هَطْفـا ً تقـوده وسـط يَدْهـا

والرجل ما يطرحه عنـد المَـرَه يـا كـود وِدَّه
لا بدت تدلـي عليـه بكيدهـا وامسـى ولَدْهـا



اشهد بالله حكمه

لجمالها ولجمال ناقلتها

تم النسخ

[عبدالعزيز السعود]

ومن العَدَاوَة ما يَنَالُكَ نَفعُه
ومِنَ الصَّدَاقَةِ ما يَضُرُّ ويُؤلِمُ
(المتنبي) ...

[هيـاا العـازمـي]

.
.

الحكيَ في بعض المواقف .. ما يفيد
دام السكوت احيان ياتي .. بثَمره

[خلف الغريب]

شكري وتقديري لمن شرفنا بالمشاركة ولا زلنا ننهل من معين الحكمة معكم ايها الكرام ..

شكر خاص للرائعة دوما .. هيا العازمي شعلة الموضوع ..

بالتوفيق للجميع ..

[عبدالعزيز السعود]

تلحق على بعض الرجال الملامه= اللي بمشيه مايقدي مواطيه ..

اللي يتيه بليل عذره ظلامه = واللي يتيه الصبح وش يعتذر فيه ..!!

[أبو غرام]

يقول أحد الحكماء :
العقل كالبحر كلما إزداد عمقاً قلت ضوضاءه
..
ليس الغريب غريب الشام و اليمن
ان الغريب غريب اللحد و الكفن

[هيـاا العـازمـي]

.
.

أدلّه البـال بيـن الضيـق والشـدّه
الوقت دوّار .. والأعمار محـدوده

لو كل واحد يجـي ودّه علـى ودّه
ما طال صبر العقيم لشوف مولوده!!

راعي القناعه ليا مـن الزمـن حـدّه
يرضى بحظ ٍ ذخر جوده وماجـوده

.
.

[حـــور]

ثلاثة يتشابهون في عقولهم..الشاعر،والمجنون، والمحب

[هيـاا العـازمـي]

.
.

المشكله ماهيب في كثر الاصـوات
المشكله لا صار مال العقل صوت !

[عبدالعزيز السعود]

ياقلب طالـت قسوتـك وأنـت ليّـن=في قسوتك ياقلب ويش انت لاقي !؟



اللي تعـدّى عمـر ماهـوب هيّـن=والعالم الله كم مـن العمـر باقـي !



يمكن يطول .. ويمكن اليـوم أعيّـن=موتي .. ويبكون الحبايـب فراقـي



وش عاد أسوي وسط قبري وأزيّن ؟!=لاجفت عروق .. وعيون .. وسواقي



لا عاد بـه فرصـة عشـان آتحيّـن=ولا عاد به زفـرة وأفـك اختناقـي



باكـر وكـل اللـي سترتـه يبيّـن=وانا علـى هالحـال ميّـس وهاقـي

مـدري متـى يهدينـي الله وأديّـن=وأكف عن بعض المشاوير ساقـي !

[هيـاا العـازمـي]

.
.

ما يملى عين الحسود في هالزمن الا التـراب
ومن لا يتوب من الخطى .. تحرم عليه المغفرة

حامد زيد

http://ro7elb7r.jeeran.com/ثَغْرٍ%20الوٍُرٍٍدِ.gif

[هيـاا العـازمـي]

.
.

الفقر عزالله ما هو قلّة المال
...... الفقر .. فقر اللي بليا مبادي

[هيـاا العـازمـي]

.
.

العقول المستريحه يحكمها الضميـر
والعقول الفارغه وش حكم يسيرها

والتخاطب بالثقافه مع العقل الصغير
لو تبي تطويرها يتعبـك تفكيرهـا

[هيـاا العـازمـي]

.
.

الطّيحه اللي تعلّمني بشـي ّ ٍ جديـد
أحبها كثر حبّي للأمـل والنجـاح !!

وقناعتي إن عندي صدر ما هو حديـد
تجبر عزاي ان تعرّض خافقي للرماح !!

ولو الخساير كثيره .. أعتبرها رصيـد
بعض الخساير حرام نقول عنها جراح !!

[هيـاا العـازمـي]

.
.

ازوااال بثيـاب/ الاوادم/ مخفّـاه
وكلٍ تزيّن له <ظنونه > مساعيـه

والرابح اللي عنهم الخالق ’’اغناه’’
عرضه ’’ستير’’ وواجبه ما يخليـه

<يعز> نفسه لين تبـرك مطايـاه
ولغير ربه ما يكثّر..’’مشاكيـه’’

[حـــور]

السكوت إن طآل يغري بالكلام
والكلام إن ضج .. مايستر شعور

[عبدالعزيز السعود]

إلى منه جفاك اللي تودّه=ولا تدري وش الّلي عنك صدّه
تجرّع مالح العبرات واصبر =ترى كثر الشكاوى ما تردّه
وإلى من الّليالي عوّدت به =تغانم كل فايت واستردّه
حذار تنشغل بعتاب خلّك =ترى كثر العتب يمحي المودّه

[هيـاا العـازمـي]

.
.
.

فج الخلا لاضاق صدرك أعلاجه
يغنيك عن بعض المجالس والازعاج

للعسر يسر وللهمـوم أنفراجـه
يجي لها من والي العـرش مخـراج

والله ما يذبحك يا كـون حاجـه
لا سار في وجهك حيا وأنت محتاج

[هيـاا العـازمـي]

.
.

بدر الدويش .. يقوول

ما يذبح الرجـال يا كـود الأحسـاس
شيّ يخلي الرجل ميّت وهـو حـيّ

لا صار عندك شخص أغلى من الناس ..!؟
وأنت بعيونـه ما تسـاوي ولا شـيّ

:(

[عبدالعزيز السعود]

اللي يطولك وإنت مَاحْـدٍ يطولك = يحِـق لـه يَنْزِل على الناس من فوق

[هيـاا العـازمـي]

.
.
.

الحر ما يرضى على نفسه الدون
ولا يقبل السهلات وريش عاري

عطب الفعايل في المراقيب مفتون
وتخشى مخاليبه قلوب الحبـاري

[هيـاا العـازمـي]

.
.
.

الموت ما هو لا أنحني .. للتعـب راس !
الموت نفسك ... لا نحنـت للخليقـه

[هيـاا العـازمـي]

.
.
.

ما يلتقي في النسب راكان ب آغـا شفيـق
وان التقا المشكله ما هـي بكيـف التقـا

[ساجر الحثربي]

والسر سر القلب في كتمه ارتحت
لاتبيح سرك ثم يكثر نزاعك
ولصفحة الماضي فتحت وتصفحت
ياقلب عنها ويش رد انطباعك

[عبدالعزيز السعود]

بعض البشر طبعه مقدر ومحشوم =وبعض البشر عيبٍ عليك احترامه
واللي ستر عيبه عن الناس بهدوم =وش يستره لا صار عيبه كلامه

[هيـاا العـازمـي]

.
.
.

لا تشتري من حاولوا يخسرونك
ولا تخسراللي فكربيوم يشريك

ما فيه أجمل من صديق يصونك
ولا فيه أقسى من قريب يعاديك

[الــهــنــوف]

إِذا سَبَّني نَذلٌ تَزايَدتُ رِفعَةً ... وَما العَيبُ إِلّا أَن أَكونَ مُسابِبُه

وَلَو لَم تَكُن نَفسي عَلَيَّ عَزيزَةً ... لَمَكَنتُها مِن كُلِّ نَذلٍ تُحارِبُه

[هيـاا العـازمـي]

.
.



ما قل دل .. وزبدة الهرج نيشان
......... والهرج يكفي صامله عن كثيرة ‏

والذم ما يهفي للاجواد ميزان
.......... والمدح ما طول إيدين قصيرة ‏

راكان بن حثلين ‏

[عبدالعزيز السعود]

أحدٍ حضوره باقيٍ في غيابه=وأحدٍ حضوره لو حضر كنّه غياب!

[الــهــنــوف]

ياكثرهم لاقلتلك عرفت وجيه ... وياقلهم لاقلت قدر ومعزه
رجلً تعزه بعد ماتلــتقي فيه ... ورجلاً قبل لاتلتقيبه تعزه

[هيـاا العـازمـي]

.
.

الرابح اللي من الهرج الحرام إستـراح
يصبح على ذكر خلاقه ويمسـي عليـه

واللي يريد الفسـاد ولا يريـد الصـلاح
متـمـردٍ ما يـخـاف الله ولا يتقـيـه

فيصل الرياحي رحمة الله عليه وأسكنه فسيح جناته

[عبدالعزيز السعود]

تبي تشوف الذل في صورته صح=شف دمعة الفرقاء على خد رجال

[هيـاا العـازمـي]

.
.
.

تصدق إن الوقت هذا غير وإن الناس غير ؟؟
.............. وتصدق إن ماعاد باقي شيء حتى تخاف له

شوف الاسد يمشي على راي المهاه ولا يشير
.............. والمشكلة .. لاهوب مستغـرب .. ولاهي جافله !!

وتصدق إن اغلب رعاة الحرف خوّانة ضمير
.............. شـفـت الادب هذا يبيعونه لنـظرة سافله

[هيـاا العـازمـي]

.
.

الجمايل من بذرها في الخُمام
....... مثل من يبذر بصبخ الأرض حبّه

لو سقاها الماء على مر العوام
........ ما جنى محصول ماه إللي يصبه

[عوض بن خميس]

تعصي الإله وأنت تظهر حبه = هذا محال في القياس بديع
لو كان حبك صادقا لأطعته = إن المحب لمن يحب مطيع

[عبدالعزيز السعود]

يارفيق يحـد السيـف ويسلـه =كل ما أقفى رفيقه حش عرقوبه
رفقة مالهـا مذهـب ولا ملـه=يالله العفو والغفـران والتوبـه

[هيـاا العـازمـي]

[justify]

درست فالدنيا على يدّ الظروف اربع مواد
......... الحب. والاصحاب. والاقراب. والوقت الردي

الحب:- يعطي للغريب بلاد لو ما هي بلاد
......... والعاشق اللي ماطغى عقله على القلب يغدي

والصاحب:- اللي بينك وبينه حصل ملحٍ وزاد
.......... أوفي معه لكنّ لاتضمنه وتروّح فدي

امّا القريب:- اعطه حقوقه واخذ خط الابتعاد
.......... خلك بعيد تصير في عينه مثل نجم الجدي

والوقت:- لا تعطيه وقت يلبّس ايامك سواد
.......... عش يومك وخل امس مات وخل بكره يبتدي


وليعذرني الفاضل خلف الغريب على الاطاله في الابيات

للضرورة معليش ياسيدي :)

[عبدالعزيز السعود]

من طاح .. من عينك ؟؟ ومن فيه ماطـاح ؟؟
ذي طيبتك .. واليوم .. تدفع ثمنها
:
:
:



حتى لو انك كنت .. صاحي .. ولمـــاح
أصحاب ( كيف الحال ) محدٍ .. ظمنها
:
:
:



صفو على جمر الحسـَد .. والعـفن .. فاح
ولمت عفون الخلق .. ريحة .. عـفنها
:
:
:



يالله دخيلك .. كلـها .. شالت .. رماح
حتى الوغـد قام .. يتخمش رسنها
:
:
:



مات الحيا والمرجله .. دمها .. ساح
كلٍ كشف .. عن سوء نيه .. دفنها
:
:
:



دامه .. زمن عقرب ، وحيه ، وتمسـاح
خل الأسود .. اتنام .. ماهــو زمنها
:
:
:



قالولي انطح .. صيحة الصوت .. بصياح
واعزل احرام السالفه .. عن كـفنها
:
:
:



قلت الخساره بالردي .. عندي ارباح
ومثلي .. يعلي هامته .. ماطـمنها
:
:
:



ترسي جبال طويق لا هــبت ارياح
وانا من اول .. ماخذ الراي .. منها
:
:
:



اقولها وانا .. مروّق .. ومـرتاح
شل الله .. لسان العـفون .. وبدنها

[هيـاا العـازمـي]

يا شارب الدخّان .. شاربك لا طال

إياك .. وأيا واحد(ن) جاز دونه



ما دام به نقص على الحال و المال
.... أيضا... و شرّابه يدمر سنونه

[هيـاا العـازمـي]

محبة الناس خير , وطاعة الله فرض !
وعمر البنادم ماهو من ضمن ملكيّته

كم واحد ٍ تحت الارض وسيرته فوق الارض
وكم واحد ٍ فوق الارض .. وسيرته ميّته !

[هيـاا العـازمـي]

يا قلب لاتشره على بعض الكلام
وأحذر على هرج الضعيف تكايده


الصمت حكمه ماتلحقني مـلام
وبأسباب صمتي تشتعل وقايـده

[هيـاا العـازمـي]

لسانك حصانك يصونك ليا صنته
وان كان خنته ترى تكثر خياناته..

[هيـاا العـازمـي]

بعض البشر طبعه مقدر ومحشوم
وبعض البشر عيبً عليك إحترامه
اللي ستر عيبه عن الناس بهدوم
وش يستره لا صار عيبه كلامه

[هيـاا العـازمـي]

هـذا الزمـان اللـي عيـوبـه تماتـيـك


يصفـي معـك مـره ومــرات يحـزنـك


فكـر بـدربـك ثــم مـيـز مواطـيـك


وحـذرك مـن دابٍ يحنـك القـدم حـنـك




فيصل الرياحي رحمة الله عليه وأسكنه فسيح جناته