قصيدة رائعه

[سعود بن قائم]

قصيدة من قصائد خلف المشعان



ياكثرهم .. لا قلت لك .. عرفة وجيه



وياقلهم .. لا قلت .. قـدر ومعـزه



رجلٍ .. تعزه بعد ماتلتقـي .. فيـه



ورجلٍ .. قبل ماتلتقي بـه .. تعـزه



ورجلٍ .. ترزه بالمجالـس مباديـه



ورجلٍ .. فلوسه بالمجالـس تـرزه



ورجلٍ .. يموت ولا يجيبون طاريـه



ورجل ٍ .. يجي طاريه في كل حزه



ورجلٍ يهزه .. بعض موقف ويشقيه



ورجلٍ .. مهوب أيّات موقف يهـزه



ورجلٍ .. ضعيف .. ويستفزه معاديه



ورجلٍ .. كلام اعـداه .. مايستفـزه



ورجلٍ .. تلزه يعترف لك .. بخافيه



ورجلٍ .. على خافيه .. محدٍ يلـزه



ورجلٍ .. يوزونه .. ويزعل بنيخيـه



ورجلٍ .. يزعّل من يحاول ، يـوزه



ورجلٍ .. تكزه لا زم انك .. توصيه



ورجلٍ .. بليّا ما توصيـه .. كـزه



من لا فرش .. للمرجله .. ماتغطيـه



ومن لايخز .. الناس .. محدٍ يخـزه



ان كنت تعرفني فهي .. عرفة وجيه



مو شرط لك بالقلب قدر .. ومعـزه

[هيـاا العـازمـي]

الفاضل .. سعود بن قائم

طرح رائع ومميز

خلف المشعان شاعر لا ينافسه أحد وبإذن الله فاله البيرق

رغم كل التحديات والظروف التي تواجه شاعرنا :)

كلك ذوق يا سعود

ولاهنت وسلمت يمينك

تقديري

هيــــاااا

[سعود المسعودي]

.. سعود بن قائم

طرح رائع ومميز بيض الله وجهك


ودمت بود

[فهد الشافي]

سعود بن قائم صح لسانك ولسان خلف المشعان

اختيار اصبت به

تقبل تحياتي

[سعوط المجانين]

سعود بن قائم

مميز في نقلك لاسيّما انك تنقل لنا قصيده باذخه لداهية الشعر خلف المشعان

لاخلا ولاعدم

..

[خلف الغريب]

نقل مميز لشاعر مميز .....


درر ينثرها لنا خلف المشعان فشكرا لك على النقل اخي الكريم سعود الله لا يهينك يا بعدي..

تحياتي لك...

[الجوكر]

سعود بن قايم

نقل رائع بروعة شاعرنا المبدع خلف المشعان

دمت ودام نبض قلمك

تحياتي