ديوان الشاعر:::محمد بن لعبون:::

[هندي المقبل]

][®][^][®][الشاعر محمد بن لعبون][®][^][®][

القصيده المهمله

أحـمـد الـمحمود ما دمع همل =أو عـدد مـا حـال واد له وسال
أو عـدد مـاورد وراد الـدحل =أو رمـى دلـوه وما صدر ومال
أو حـدا حـاد لـسلمى أو رحل =سـار هاك الدار أو داس المحال
أحـمـده دوم عـلى حلو العمل =سـامـع الدعوى ومعط للسؤال
مـا عـلى راك العاوا على ومل =حاول الطاعة على ما صار حال
مـا حـلا لـولا صدور له وهل =لـو ورد مـا عدها الماله أطال
مـا رد حـاله على حال الوحل =طـالـمـا حسر لروحه لا محال
راد رود لـلـمـهـا سمه سحل =عـاد صـل لـسـعه سل وال
مـا دعـى داع الـهوى إلا وسل=روح مـطرود الهوى ماله وسال
مـا عـلى ما ورد معه لو هطل =لاولا مـسـراه عـاد لـلـهمال
مـا ورا ماهو عصي وال المهل =مـالـك الـعالم وعلام الاحوال
مـاسـك صـارم هلاكه والكسل =مـاسـك لـعـراه معدوم العدال
عـادم عـلـم الهدى ماله وهل =هـالـدهر دوم على طول الامال
مـا وراهـم كـود هـدام الامل =لـلـمـلا حراس للأرواح سال
لـو عـطـاه أو مهله ماله مهل =هل على طول الدهر عمرا وطال
مـا سـعـاهـا سالك إلا رحل =الا ولا لـه كـود لحده والهوال
لـو رأى حـالـه ومـاله للملل =لام لـوامـه عـلـى دار الملال
دار لـهـو مـالـهـا طر عدل =مـا عـداهـا لهوها دوم وعال
حـارس سـلال روحـه ماسأل =مـا عـلـى رادة المولى سؤال
حـاكـم عـادل وما راده حصل =امـر مـاراد لـه راع هـوال
مـا عـد كاس المراره مالحول =لـلـورود ومـا لورد له عطال
وارد كـاسـه ومـع أهـل الطل=مـالـواهـم لـه دوم وحـالـ
حـال حـاله لو رواله ما وصل =عـادة أمـلاك كـرام لـلسؤال
وسـط لـحد ما معه كود العمل =او سـواد الـدود مع سوء المال
واعـلـى حـل عرا ماله سهل =عـطـلـه لهو الهوى دوم مال
سامو اهوال الهوى واهوى وحل =مـاطـوا سـده وعـاده لـلهمال
حـاول الـسلوى وساوى للاسل =والـهـوى لـه ساحر سله سلال


حس طار


ذا حـس طـار او ضميرك خفوقه = يـدق بـه مـن نازح الفكر دقاق
الـحـي هـو حيك وطيبه وفوقه=والـدار هي دارك وهذيك الاسواق
يـا قلب وان كانت علومك صدوقه=بـيـنـك وبين الدار عهد وميثاق
شـرواك يـنشد عن مغاني تروقه=حـيـثـك محب للمغاني ومشتاق
تـذكـر بها عيش مضى ما تذوقه=يـا عـونة الله يوم تقسيم الارزاق
الـعـبـد عـبـد هافيات عموقه=ان جاع باق عمومته وان شبع ماق
والـحـر حـر يـرفـعنه سبوقه=والـبـوم يلقى بين الاسواق خفاق
بـع بـالهجير وصال حي تشوقه=ولا عـسـاهـا لـلـرزيا بتيفاق
يـا مـال هـطال صدوق حقوقه=يـشـبه كماليل على صبح انساق
يا ضي كما حرب النصارى بروقه=يـطـرب له البهلول منهم ويشتاق
يـفـتـل نداف الطها من طبوقه=مـثل النعام ان ذارهن زول تفاق
تـرفـا مـريضات النسايم شقوقه=لـجـب عسى ما في نويه بثيفاق
تـسـوقه الغربي والأخرى تعوقه=مـتـرادف مـبناه طاق على طاق
يـفـتـر عن مثل الدحاريج موقه=اربـع لـيالي مدلجات على ساق
وخـامس تشوف الدار والثلج فوقه=مـثـل السرير مجلل عاد برواق
تـلـقى العذارى حسر في صفوقه=ياضي لميع خدودهن مثل الاوراق
بين الطموح وبين من شاف شوقه=صرعى بها من غي وخمر وترياق
سـمع ندا زجر الملك في صفوقه=قـضا القضا والتفت الساق بالساق
روادهـم مـاراد بـيـضا سحوقه=من طولها تمضى على سبعة اطباق
منشى الخيال الى غشى في شروقه=يـحـده الـلاهب ويضويه براق
والـلـي يرى ضد الوفا ما يذوقه=يـدق بـه مـن نازح البعد دقاق


حي المنازل

حـي الـمـنازل بديم خزام=تـحـيـة الـجـار للجاره
تـحـيـة الـعاشق الروام=لـمـورد الـخـد في داره
واسـجـد لها سجدة الخدام=قــدام سـادات وكـبـاره
مـن ولـف دار لابن عوام=شـبـت بـنار الحشى ناره
واذكـر بـها مامضى بولام=ان كـان تـنـفـع التذكاره
فـوق الأمـليح قطين خيام=مـضـروبـة د اره ماداره
مـنـازل يـاعـلـي مدام=تـنـزل بـها مي مع ساره
عـلمي بهم من ثمان أعوام=ايـام ثـوبـي خضر خاره
وايـام عـيـثي رغد وايام=اهـلـي اهل الغي ونصاره
ان قـلـت للورق قم لي قام=يـقـوم يلعى على اشجاره
وأسـهـر الى ما الرقيبه نام=واشـوف بـي ياعلي شاره
ضرب الهوى بي وشام وشام=شـفـته وشاعت لك أخباره
والـيوم صارت خيال احلام=مـا عـاد بـالـدار ديـاره
مـامـن ولـيـف لخله دام=لـوفـيـه من سادته شاره
يـمضي اشهر ياعلي والعام=مـاحـيـت الـجار للجاره


ربك والعمل


كـل شـيء غـيرربك والعمل=لـو تـزخرف لك مرده للزوال
مـا يـدوم الـعز عز الله وجل=فـي عـدال مـا بدا فيه الميال
والـذي يـنـقـاد بزمام الأمل=لا تـغـبـطه في زغاتير الهبال
اسـتـغـفر الله عن كثر الزلل=وسـتـعـين عنايته في كل حال
زال دهـرك يـا محمد بالغزل=والـغـزال الـلى تهزأ با لغزال
والخدود اللى كما وصف السجل=نـاكـسـاتك بالسقم نكس الهلال
والـجـبين اللى بروقة تشتعل=مـع زلـوف كـنهن داج الليال
والـخدود اللى كما جمر الجزل=صرمت بالحوش به نسمة شمال
والـنـهـود اللى غذتك بالمهل=من رضاع المهل من قبل الحمال
رنـة الخلخال تحدث لك وجل=مع كمالك ما ستحيت من الرجال
واهـل ذاك البيت من هذا النزل=داسـتـك خفراتهم دوس النعال
كـم طـرقت لبابهم عجل خجل=لـلـطوافة وانت ما تبغى سؤال
ما طرق فوق الورق أو من أجل=قالت من لولا الهوى ما كان قال
عـن سـفاهك في هواهم لاتسل=يـامـحـمد ما بقى فيك احتيال
عـاشـروك فليت من يلقى بدل=عـشـرة ويـاك يـابيس البدال
تـوبـة لـلـه عـن ذيك النجل=والردوف اللى كما طعس الرمال
والـشـفايا اللى كما ذوب العسل=مـن جـنى جناتها السلسال سال
عـاطـلات الريم وادمى الرمل=مـع نـبات ظلهن عندق ظلال
تـوبـة الـمغتر حاط به الأجل=بـالـعجل يا ايها الراجى محال
بـادره مـادام لـك فـيـه مهل=فـالـمـنايا رايحات بك عجال
وأسـال اللى يستجيب لمن سأل=هـو يجيبه محتفى بك حيث قال
أسـألـه باسرار ما جاب الرسل=وإسـمه المخزون في علمه تعال
والـمـلائكة الكرام أهل المحل=واولـيـاه الموصلين به الحبال
يسـمح اللى فات في وقت الجهل=واسع الغفران وان ضاق المجال
الـعفو والصفح هو للصفح اهل=والـكـرم والجود جوده والنوال
غـافـرالـزلات حـي لم يزل=لـو ذنـوبـك راجحات بالجبال
يـاهل التقوى وياضافي الفضل=تـوبـة لي من عطاياك الجزال
مـن روايـح رحمتك غل ونهل=لأهل حسن الظن بك ياذا الجلال
والـسـمـوحه منك يوم لم نزل=جـمـلـة الأقدام في قبري يهال
فـإن ذا الـدنيا كما ضرب المثل=والـحـياه بها كما طيف الخيال
والـعـزيـز بـها يذل وينختل=يـبـتـلـى فـيها ومافيها وبال
كـم رأيـنـا من نعيم واضمحل=مـع حـبـيب نازل فيها وشال
يـاعـديـم الرأي لوهى بالعقل=ما سوت عندك على بختك عقال
مـختلف بالوصف من زهرالنفل=لـو تـزخرف لك مرده للزوال


قالت فريحه


قـالـت فـريـحـه وهـي بـالطاس=مــدام بــالـكـاس مـعـلـومـك
حـمـام يـالـلـي عـلـى مـيـاس=مـال_;_;_;ـوم قـلـبـي ولالـومـك
يـالـورق بـالـعـب مـعك والداس=يـاغـى اكـعـبـك بـكـمـومـك
فـان طـعـتـنـي يـالورق لابـاس=ولا فـدبـر بـيـاهـومـك
لـك_;ـن هـنـا مـايـديـر الـراس=مـاهـي حـكـايـاك وعـلـومـك
بـمـشـلـشـل ترمـعـه رجـاس=يـسـلـيـك عـن كـثـرة همـومك
نـذر الـى زارت أم طـيـاس=يـا شـهـرأصـلـيـك واصـومـك
عـسـاي أشـوفـك بغـيـرالبـاس=تـفـتـر بـالـورق بـكـمـومـك
لابـاس يـابـوثـلاث الـعـاس=قـنـديـل مـشـبـوب بـرقـومك
هـيـض غـرامـي وأنـا منحـاس=بـالـصـوت يـالورق مـهـضومك
بـالـصـوت يـلـعى عليـهـا ناس=مـتـذكـر فـايـت ع_;ـلـوم_;ـك
مـاهـو بـحـق تـرد الـنـاس=تـبـوزعـلـيـهـم بـخـرطـومك
وتـردنـي لـلـهـوى نـكـاس=زوم الـهـوى خـنـك مـع زومـك
والـلـه لاركـض عـلـيـك بطاس=واتـغـيـرقـومـي عـلـى قـومك
الا ان زمـط لـي خـنـيـن الـراس=بـزيـارة تـجـلـي هـمـومـك
وادري بـخـلـخـالـهـا الرجـاس=واقـعـدك يـالـورق مـن نـومـك
ابـو ردوف كـمـا الأطـعـاس=ومـحـلـى الـوسط مـهـضـومك
ريـحـة نسـمـهـا كـريح اليـاس=ورد وعـنـبـر ومـشـمـوم_;_;ـك
يـاوي جـرعـة وقـوة بـاس=زود الـهـواي خـذت مـع زرمـك
اوصـلـك الـنـفـس بـقطع الراس=مـاهـي حـكـايـاك واعـلـومـك
قـبـلـك مـحـمـد صـليب الراس=اغـراه يـالـورق خـرطـومـك


مزن تهامي


سـقى صوب الحيا مزن تهاما=عـلـى قبر بتلعات الحجازي
يـعـط به البختري والخزاما=وتـرتع فيه طفلات الجوازي
وغـنـا راعـبـيات الحماما=عـلى ذيك المشاريف النوازي
صـلاة الله ربـي والـسلاما=عـلـى من فيه بالغفران فازي
عـفيف الجيب ماداس الملاما=ولا وقف على طرق المخازي
عـذولـي بـه عنيد ما يراما=ثـقـيـل من ثقيلات المرازي
ابـو زرقـا عـلى خده علاما=تـحـلاهـا كـما نقش بغازي
عـلـيـه قلوب عشاقه تراما=تـكـسر مثل تكسير الجزازي
الايـاويـل مـن جفنه على ما=مضى له عن لذيذ النوم جازي
ومـن قـلـبه الى هب النعاما=يـجـرونه على مثل الخزازي
تـكـدر مـا صفى ياما وياما=صـفـالي من تدانيه المجازي
لـيـالي مشربي صفوا المداما=وثـوب الغي منقوش الطرازي
مـضى بوصالها خمسة عواما=وعـشـر كـنهن حزاة حازي
بـفـقدي له ووجدي والغراما=تـعـلـمت النياحة والتعازي
يـعـضـوني على فرقا ولاما=ومـن فـرقاه مثل الخاز بازي
عـذولـي فـي هواها يالملاما=يـعـزوني وانا مانيت عازي
وكـل الـبيضى عقبه لوتساما=فـلا والله تـسوى اليوم غازي
سـلـيـنا لا حلال ولا حراما=عـلـيهن الطلاق بلا جوازي
حـيـاة الـشوق فيها والهياما=وقـدمـنـه يـهتز اهتزازي
وخـذتـم فـيـه بـدر للتماما=وجـعـد فوق منبوز المجازي
عـلـى لي فيه لا زادو لا ما=وجرت من الغوى والغي جازي
وخـضت بحور ليعات تطاما=خلفت الخل ما ادري وين بازي
نـكـيـف الهم في قلبي تراما=وجـيش البين بالغزوان غازي
أريـده ونـكـسركسر السلاما=بـسـيف جره ما هوب هازي
عـلـى بخت الدهرليته تعاما=عـفـى عنها وليته ما يوازي
ولـيـتـنـي حلمت بها وياما=بـكيت لها وفي قلبي حزازي
اسـلـم لـه ولا ردا الـسلاما=عـزيز من عزيزات أعزازى
وصـلات الله مـني والسلاما=عـلـى قبر بتلعات الحجازي
اظـل هـايـم بها وفي دواما=هـمـومي فيه تنحاز انحيازي
وصـرت بوحشة من ريم راما=ومـن فـرقاه مثل الخاز بازى
عـذولـي فـي هواها بالملاما=يـعـزيني وانا مانيب عازي


باتن حذاي _زهيريه


بـاتـن حذاى العاذلات الهواهن=في سد باب من بحور الهوى هي
ركـبـن به يشدن دود على عود=والـنـفـس ميدان الهوى هي
بـاح الغرام ونشف الريق باللاه=بـلاهـي يلعب ولا هوب باللاه
يـا عـين باشواقك اساليك با الله=حيثي مناجي في هواك الهواهي
ذا سـيـل ديم او نواقيط اوكف=يـشـق بجفونك وانا اشل واكف
فـان كان ترضين لعمالك وناكف=والا فـدورى من يدور الدواهي
مـا فـاد نوحي بالديار العوافي=أدر الـجف تالي وصار العوافي
مالي ودوب أهل السبايا العوافي=من مردف جيشه نكيف وناهي
صدت صدود المستحي من هواها=وشـتم عذري الهوى من هواها
لو قالت اطلب قلت أنا من هواها=مـقـدار يومين وراجع ايلاهي